Monday, March 10, 2008

શિવાજીનું હાલરડુ





ગાયકઃ અરવિંદ બારોટ, મીના પટેલ
સંગીતઃ પંકજ ભટ્ટ, પ્રભાત બારોટ

આભમાં ઊગેલ ચાંદલો, ને જીજાબાઇને આવ્યાં બાળ -
બાળુડાને માત હીંચોળે:
ધણણણ ડુંગરા બોલે.
શિવાજીને નીંદરું ના’વે:
માતા જીજાબાઇ ઝુલાવે.

પેટમાં પોઢીને સાંભળેલી બાળે રામ - લખમણની વાત
માતાજીને મુખ જે દીથી,
ઊડી એની ઊંઘ તે દીથી - શિવાજીને…

પોઢજો રે, મારાં બાળ ! પોઢી લેજો પેટ ભરીને આજ –
કાલે કાળાં જુદ્ધ ખેલાશે :
સૂવાટાણું ક્યાંય ન રહેશે - શિવાજીને…

ધાવજો રે, મારાં પેટ ! ધાવી લેજો ખૂબ ધ્રપીને આજ –
રહેશે નહીં, રણઘેલુડા !
ખાવા મૂઠી ધાનની વેળા - શિવાજીને…

પ્હેરી - ઓઢી લેજો પાતળાં રે ! પીળાં-લાલ-પીરોજી ચીર –
કાયા તારી લોહીમાં ન્હાશે :
ઢાંકણ તે દી ઢાલનું થાશે - શિવાજીને…

ઘૂઘરા, ધાવણી, પોપટ-લાકડી ફેરવી લેજો આજ –
તે દી તારે હાથ રહેવાની
રાતી બંબોળ ભવાની - શિવાજીને…

લાલ કંકુ કેરા ચાંદલા ને ભાલે તાણજો કેસરાઆડ્ય –
તે દી તો સિંદોરિયા થાપા
છાતી માથે ઝીલવા, બાપા ! - શિવાજીને…

આજ માતા ચોડે ચૂમીયું રે બાળા ! ઝીલજો બેવડ ગાલ –
તે દી તારાં મોઢડાં માથે
ધૂંવાધાર તોપ મંડાશે - શિવાજીને…

આજ માતાજીની ગોદમાં રે તુંને હૂંફ આવે આઠ પ્હોર –
તે દી કાળી મેઘલી રાતે
વાયુ ટાઢા મોતના વાશે - .શિવાજીને…

આજ માતા દેતી પાથરી રે કૂણાં ફૂલડાં કેરી સેજ –
તે દી તારી વીરપથારી
પાથરશે વીશભુજાળી - શિવાજીને…

આજ માતાજીને ખોળલે રે તારાં માથડાં ઝોલે જાય –
તે દી તારે શિર ઓશીકાં
મેલાશે તીર- બંધૂકા - શિવાજીને…

સૂઈ લેજે, મારા કેસરી રે ! તારી હિંદવાણ્યું જોવે વાટ –
જાગી વ્હેલો આવ, બાલુડા !
માને હાથ ભેટ બંધાવા - શિવાજીને…

જાગી વ્હેલો આવજે, વીરા !
ટીલું માના લોહીનું લેવા !
શિવાજીને નીંદરું ના’વે:
માતા જીજાબાઇ ઝુલાવે.
બાળુડાને માત હીંચોળે:
ધણણણ ડુંગરા બોલે.

-ઝવેરચંદ મેઘાણી

8 comments:

સુરેશ said...

તેમના જીવન વીશે વાંચો -

http://sureshbjani.wordpress.com/2006/06/03/zaverchand_meghani/

Pinki said...

best luck
ane khub maja aavi
halardu sambhlavani......

...* Chetu *... said...

નાનપણ મા ખૂબ સાંભળેલુ આ હાલરડુ ખૂબ જ સરસ છે... કપીલ ભાઇ , આપનો ખૂબ આભાર.. આવી જ રીતે બધા લોક ગીતો ભજનો પીરસતા રહેશો...

Anonymous said...

excellent.................

Neela said...

enjoyed.

kapil dave said...

chetna ben mane geet upload karta shikhvado ne

Anonymous said...

kapil bhai hriday ne sparshi jay chhe...

tame mane permition aapva badal tamaro khub aabhar

ruvada ubha kari de chhe aa halardu
dhany meghani saheb ne ane dhany tamari drashti ne....

kushal"nishan dave

Nishan said...

kapil bhai hriday ne sparshi jay chhe...

tame mane permition aapva badal tamaro khub aabhar

ruvada ubha kari de chhe aa halardu
dhany meghani saheb ne ane dhany tamari drashti ne....

kushal"nishan dave